საქართველოს ოლიმპიური ნაკრების დიდი ნაწილი უკვე რიოშია. 5 აგვისტოს ოლიმპიადის გახსნის საზეიმო ცერემონიაზე ქართველ ოლიმპიელებს ბიზნესმენ ლევან ვასაძის კომპანიის „სამოსელი პირველის“ მიერ შექმნილი კოსტუმები ეცმევათ. კოსტიუმებში, რომელთა დიზაინმა თითქმის ერთსულოვანი კრიტიკა დაიმსახურა, ოლიმპიურმა კომიტეტმა 80 ათასი ლარი გადაიხადა. თუმცა ქართველი ოლიმპიელები შესაძლოა, გახსნის ცერემონიალზე ამ კოსტუმებით არ წარსდგნენ - ოლიმპიური კომიტეტის ვიცეპრეზიდენტის ნინო სალუქვაძის თქმით, მათ აჭარულ ელეგთან ერთად, ოლიმპიადაზე ყაბალახებიც მიაქვთ. იმას, თუ რომელ სამოსს ჩაიცვამენ სპორტსმენები, რიოს კლიმატური პირობების მიხედვით გადაწყვეტენ. კოსტუმების დიზაინის შესარჩევად კონკურსი არ გამოაცხადებულა. ამას ოლიმპიურ კომიტეტში იმით ხსნიან, რომ მათ საჯარო ტენდერების გამოცხადების ვალდებულებები არ გააჩნიათ.