საქართველოს შინაგან საქმეთა ყოფილი მინიტრის და ახლა უკვე პარტია ქართული ოცნების ქუთაისი მაჟორიტარობის კანდიდატის კობა ნარჩემაშვილის თქმით, 2003 წელს არჩევნები ტოტალურად არ გაყალბებულა და ის, რომ თითქოს ხელისუფლებამ არჩევნები გააყალბა, „მანიპულირებადი თემა“ იყო. ეს მაშინ, როდესაც 2003 წლის არჩევნებს საერთაშორისო დამკვირვებლების მკვეთრად უარყოფითი შეფასებები მოჰყვა. ეუთოს ანგარიშში ეწერა, რომ არჩევნები არ შეესაბამებოდა საერთაშორისო სტანდარტებს და ხელისუფლებას არ ჰქონდა ჭეშმარიტად დემოკრატიული პროცესის ჩატარების პოლიტიკური ნება. ანგარიშში პირდაპირ ეწერა, რომ როგორც არჩევნების დღეს, ისე მის შემდგომ ადგილი ქონდა ფართოდ გავრცელებულ და სისტემურ გაყალბებას. შეერთებული შტატების სახელმწიფო დეპარტამენტის 2003 წლის შეფასებით კი, "შედეგები არ ასახავდა საქართველოს ხალხის ნებას. შედეგები ცხადყოფდა ხმების მასობრივ გაყალბებას აჭარაში და საქართველოს სხვა რეგიონებში".