მაღალმთიანი დასახლების სტატუსის გარეშე დარჩენილი განაწყენებული ტანძიელები დღეს ბოლნისის მუნიციპალიტეტის გამგებელს კიდევ ერთხელ შეხვდნენ და თავიანთ გულისტკივილზე ესაუბრნენ.

გამგებლისა და ქვემო ქართლის გუბერნატორის შუამდგომლობის მიუხედავად, ტანძიამ ვერ დააკმაყოფილა ის კრიტერიუმები, რასაც მაღალმთიანი დასახლების სტატუსი ითვალისწინებს. ხელახალი გადამოწმების შემდგომაც სოფელი ვერ მოხვდა მაღალმთიან დასახლებათა ნუსხაში.

ტანძიელები მთის ეროვნული საბჭოს მიერ ჩატარებული აღწერით უკმაყოფილოები არიან და მოსახლეობის ხელახალ აღწერას ითხოვენ.