აჭარის მთავრობის ყოფილი თავმჯდომარე ლევან ვარშალომიძე საქართველოში სარფის საბაჟო პუნქტის გავლით შემოვიდა. მის დასახვედრად "ნაციონალური მოძრაობის" მხარდამჭერები და ყოფილი პრეზიდენტის მიხეილ სააკაშვილის მეუღლე სანდრა რულოვსი მივიდნენ.

სარფის საბაჟოსთან მცირე ინციდენტიც მოხდა. ერთ-ერთმა მამაკაცმა ლევან ვარშალომიძეს ფეხსაცმელი ესროლა, რის გამოც, ის წვრილმანი ხულიგნობის ბრალდებით დააკავეს.

ცნობისათვის, ლევან ვარშალომიძე ავტონომიური რესპუბლიკის უმაღლესი საბჭოს არჩევნებში აპირებს მონაწილეობის მიღებას.