რათქმაუნდა უნდობლობას ვუცხადებ ჯიბის პროკურატურას. ეს არის უწყება, რომელიც ემსახურება ბიძინა ივანიშვილის ხელისუფლების ნებას და იქცევა ისე, როგორც წინა ხელისუფლებების დროს.
მიმაჩნია, რომ ბატონი ეროსი კიწმარიშვილი არის მოკლული და პროკურატურის პასუხი, რომ ამ ადამიანს ჰქონდა ვალები და ამიტომ მოიკლა თავი ეს არის მტკნარი სიცრუე და საზოგადოებისთვის თვალებში ნაცრის შეყრის მცდელობა. ვინც კარგად ვიცით ბატონი კიწმარიშვილის ფინანსური შესაძლებლობები ჩვენთვის დაუჯერებელია ეს არგუმენტი საიმისოდ რომ გამოძიება დასრულებლად ჩავთვალოდ და პოლიტიკოსის მკვლელობას დავარქვათ თვითმკვლელობა ვალების გამო.