დღეს კიდევ ერთხელ დავრწმუნდი, რომ ხელისუფლება ებრძვის არა ჩვენი ქვეყნის საერთო მტრებს, არამედ თავისუფალ მედიას და ამას აკეთებს გაცილებით საშიში გზით, ვიდრე წინა ხელისუფლება.
ვწუხვარ, რომ სასამართლო სრულ მორჩილებას უცხადებს აღმასრულებელ ხელისუფლებას, რაც საბოლოო ჯამში საფრთხეს უქმნის ქვეყნის მომავალს.
სასამართლო პროცესი ცხადყოფს, რომ ხელისუფლება აგონიაშია, აღიზიანებს რუსთავი 2–ის დამოუკიდებლობა და ცდილობს ყველა გზას მიმართოს პროცესის მოკლე დროში დასასრულებლად. მინდა ვუთხრა მათ, რომ ეს ბინძური პოლიტიკა მათ არ გამოუვათ და მოვუწოდებ ნუ გადააყოლებენ საკუთარ ვიწრო პარტიულ ინტერესებს ქვეყნის და მართლმსაჯულების ავტორიტეტს.