ზუგდიდში, სამეგრელო-ზემო სვანეთის სამხარეო პოლიციასთან ავტოსაგზაო შემთხვევა მოხდა. საბედნიეროდ ავტოავარიას მსხვერპლი არ მოჰყოლია, თუმცა არიან მსუბუქად დაშავებულები.

ავტოსაგზაო შემთხვევა ზუგდიდიდან მარტვილისკენ მიმავალ კორცხელის საჯარო სკოლის მოსწავლეებს მოუვიდათ, რომლებიც დღეს ბოლო ზარს აღნიშნავდნენ. ავტოავარიის შედეგად ოთხი უცხოური მარკის ავტომანქანა დაიმტვრა, რომელიც საპატრულო პოლიციის თანამშრომლებმა საჯარიმოზე გადაიყვანეს.

ავტოავარიის მიზეზად გადაჭარბებული სიჩქარე სახელდება. აღნიშნულ ავტოსაგზაო შემთხვევასთან დაკავშირებით ზუგდიდის საპატრულო პოლიცია მოკვლევას აწარმოებს.