აშშ-ის ქალაქ ცინცინატში, ადგილობრივი ზოოპარკის თანამშრომლებს გორილას მოკვლა მოუხდათ, რადგან მის ვოლიერში ბავშვი ჩავარდა.

„ბი-ბი-სი“-ს ცნობით, სამი წლის ბიჭი ბარიერზე აძვრა და ვოლიერში ჩავარდა, სადაც 17 წლის მამრი გორილა იმყოფებოდა. 180 კილოგრამიანმა გორილამ, სახელად ჰარამბემ ბავშვი დაიჭირა და ვოლიერში დაატარებდა.

მომხდარიდან ათ წუთში, გორილა მოკლეს. მათ დამამშვიდებელი საშუალებები ვერ გამოიყენეს, რადგანაც მაშინვე არ იწყებს მოქმედებას. ზოოპარკის დირექტორი ფიქრობს, რომ გორილა ბავშვს სავარაუდოდ, არაფერს ავნებდა, თუმცა, შეუძლებელი იყო იმის გათვლა, თუ როგორ განვითარდებოდა მოვლენები.

ბავშვი, რომელმაც ტრავმები მიიღო, ჰოსპიტალში მოათავსეს. მის სიცოცხლეს საფრთხე არ ემუქრება.