61 % დღემდე არ გადაუწყვეტია, ვის უნდა მისცეს ხმა, გამოგიტყდებით და მე ამ ადამიანების იმედი მაქვს, ადამიანების, რომლებმაც ბევრი ნახეს, ბევრი გამოიარეს და ახლა უფრო მეტად აფასებენ საკუთარ შესაძლებლობებს. მჯერა, რომ ეს ადამიანები გააკეთებენ სწორ არჩევანს. ჩვენ უნდა დავიწყოთ განახლება – ეს არის დღეს ქართველი ხალხის არჩევანი. თითოეულმა ამომრჩეველმა უნდა გააკეთოს არჩევანი ტოტალურ უმუშევრობას, ეკონომიკურ სიდუხშჭირეს, არაპროფესიონალიზმსა და სიმართლეს შორის.

თითოეულმა მოქალაქემ მხარი უნდა დაუჭიროს პოლიტიკურ ძალას, რომლის პირობებში ოპტიმალურად იქნება გამოყენებული ქართული საზოგადოების შესაძლებლობები, სადაც თითოეული მოქალაქე იშრომებს მუხლჩაუხრელად საკუთარი კეთილდღეობისთვის და სახელმწიფოს განვითარებისთვის, სადაც თითოეული მოქალაქის უფლებები თანაბრად იქნება დაცული.

საზოგადოებას მთელი 4 წლის მანძილზე ხელისუფლება სთავაზობდა კონტრპროდუქტიულ მმართველობას, სამაგიეროდ არ მოგვკლებია სანახაობა, ბრალდებები, ჭორები, უაზრო ინიციატივები და აგერ უკვე სხვისი სქესობრივი აქტების შესახებ ცნობებსაც ვეცნობით და თვეში ორჯერ ვიდეო ჩანაწერებსაც გვაყურებინებენ.

ეს უნდა დასრულდეს 8 ოქტომბერს და ამ უსამართლო კონსტრუქციის დემონტაჟში "რეფორმატორები" მივიღებთ აქტიურ მონაწილეობას !