საქართველოს კომუნიკაციების ეროვნულმა კომისიამ ურთიერთდამოკიდებული კომპანიები შპს „ახალი ქსელები“ და შპს „ახტელი“ საავტორო და მომიჯნავე უფლებების დარღვევის გამო წერილობიღ გააფრთხილა.შპს „ახალი ქსელები“ და შპს „ახტელი“, რომელიც შპს „TECHNOMAX LLP”-თან ერთად მაუწყებლობის ტრანზიტის მომსახურებას სთავაზობენ მომხმარებელს, არღვევენ „საავტორო და მომიჯნავე უფლებების შესახებ“ და „ელექტრონული კომუნიკაციების შესახებ“ საქართველოს კანონებს.თავად შპს „TECHNOMAX LLP“ კომისიამ არაერთხელ დააჯარიმა, თავდაპირველად კომპანიას შესაბიმისი ლიცენზიისა და ავტორიზაციის გარეშე ელექტრონულ-საკომუნიკაციო მომსახურების გაწევის გამო საქართველოს „ადმინისტრაციულ სამართალდარღვევათა კოდექსის“ 1441 მუხლით გათვალისწინებული ჯარიმა 5 ათასი ლარის ოდენობით დაეკისრა. მოგვიანებით კომპანიამ საქართველოს კომუნიკაციების ეროვნულ კომისიაში მაუწყებლობის ტრანზიტის მომსახურებაზე გაიარა ავტორიზაცია, თუმცა კომპანიას საავტორო და მომიჯნავე უფლებების დარღვევის გამო საქნცია კიდევ ორჯერ დაეკისრა, რადგან შპს „TECHNOMAX LLP“ მიერ კომისიაში წარმოდგენილი ოფშორულ ზონაში რეგისტრირებული კომპანიის საავტორო და მომიჯნავე უფლებების ფლობის დამადასტურებელი დოკუმენტაცია არ აღმოჩნდა საქართველოს ტერიტორიაზე მოქმედი. აღნიშნული კომპანიის მიერ საავტორო და მომიჯნავე უფლებების დარღვევის ფაქტთან დაკავშირებით კომისიაში მოქმედი ოპერატორების, შესაბამისი სამაუწყებლო არხების რეტრანსლირების პირველადი უფლების მფლობელი კომპანიების და უცხოური არხების დილერი კომპანიების განცხადებებიც არის წარმოდგენილი (სს“სილქნეტი“, შპს „კავკასუს ონლაინი“, „საქართველოს საკაბელო ქსელების კავშირი“, ასევე “EuroNews”, “National Geographic”, “Fox” და „Discavery“). შპს „TECHNOMAX LLP კომისიამ მეოთხედ შეამოწმა და დაწყებულია კომპანიისთვის სანქციის დაკისრების თაობაზე შესაბამისი ადმინისტრაციული წარმოება, რომლის ფარგლებშიც მაუწყებლობის ტრანზიტის მომსახურებაზე ავტორიზავიის შეჩერების საკითხიც განიხილება.ასევე, საქართველოს კომუნიკაციების ეროვნულმა კომისიამ შპს „ახალ ქსელებთან“ და შპს „ახტელტან“ აფილირებული პირი შპს „CGC“-იც შეამოწმა, რომელიც იგივე სამაუწყებლო არხებით და იგივე სქემით უწევ