რობი უილიამსი, მერუნ ფაივი, ეროს რამაზოტი, ხოსე კარერასი - 24 აპრილიდან საქართველო მსოფლიო მელომანების ყურადღების ცენტრში მოექცევა. მთავრობის ინიციატივით, მასშტაბური პროექტი „ჩეკ ინ ჯორჯია“ იწყება, რომლის ფარგლებშიც ქვეყანაში მსოფლიო დონის შემსრულებლები ცნობილი კომპოზიციებით ჩამოვლენ. მთელი წლის განმავლობაში ფესტივალებიც დაიგეგმა. კულტურული ღონისძიებების შესახებ დღეს ეკონომიკისა და კულტურის მინისტრებმა და ტურიზმის ეროვნული სააგენტოს ხელმძღვანელმა ისაუბრეს. როგორია 2016 წლის კულტურული აფიშა, როდის გაიმართება და რა ეღირება მსოფლიო ვარსკვლავების კონცერტები. ასევე, რა დაუჯდება ქვეყანას ეს ყველაფერი. საქართველო მსოფლიო კულტურულ კალენდარზე.