რა პროცდურების გავლა უწევთ ოკუპირებული აფზაზეთის ტერიტორიაზე მცხოვრებ ადამიანებს იმისთვის, რომ საქართველოს მიერ კონტროლირებად ტერიტორიაზე ჯანდაცვის სერვისებით ისარგებლონ - რამდენად მარტივია ეს პროცედურები. ოკუპირებული აფხაზეთის რეინტეგრაციისთვის მსგავსი სერვისების ხელმისაწვდომობა და სიმარტივე ცხადია, მნიშვნელოვანია. სწორედ ამ პროცესის სიმარტივესთან დაკავშირებით გაჩნდა კითხვები. როგორც ჯანდაცვისა, ასევე რეინტეგრაციის სამინისტროში ბოლო პერიოდში პროცედურების გართულებასა და დამატებითი ბარიერების წარმოშობას უარყოფენ, თუმცა ქართულ-აფხაზურ ურთიერთობათა ინსტიტუტის ხელმძღვანელი ზურაბ შენგელია, რომელიც თავად ეხმარება ამ ადამიანებს ოკუპირებული ტერიტორიიდან გადმოსვლაში, საპირისპიროზე საუბრობს.