- პროკურატურამ ზეგავლენით ვაჭრობის მუხლით დაწყებული გამოძიების ფარგლებში დეპუტატები მანანა კობახიძე და ეკა ბესელია დაკითხა. ეს ინფორმაცია თავდაპირველად ფრაქცია ქართული ოცნების თავმჯდომარემ გია ვოლსკიმ გაავრცელა, მოგვიანებით კი თავად მანანა კობახიძემაც დაადასტურა. კობახიძის თქმით, ის თავად დაუკავშირდა მთავარ პროკურორს და მოითხოვა, მოწმის სტატუსით დაეკითხათ. დაკითხვის დეტალებზე არ საუბრობს ეკა ბესელია.
- ალეკო ელისაშვილს პროკურატურაში კიდევ ერთხელ კითხავენ. როგორც მან დაკითხვაზე შესვლამდე თქვა, გამოძიებას მტკიცებულებები უნდა გადასცეს, კერძოდ, საუბარია იმ ტექსტურ შეტყობინებებზე, რაც მან შეწყალების კომისიის თავმჯდომარედ მუშაობის პერიოდში მიიღო.
- საქართველოსთან უვიზო რეჟიმის ლიბერალიზაციასთან დაკავშირებით დასკვნას ევროკომისია, სავარაუდოდ, ხვალ გამოაქყვეყნებს. ევროკომისარი იოჰანეს ჰანი ამბობს, რომ ხსენებული ანგარიში საბოლოოა, რომლის შემდეგაც საკითხი ევროპულ საბჭოში ევროკავშირის წევრმა 28 ქვეყანამ უნდა განიხილოს. პროცედურებს, სავარაუდოდ, რამდენიმე თვე დასჭირდება.