პარლამენტის ჯანდაცვის კომიტეტმა მხარი დაუჭირა ოპოზიციონერი დეპუტატის, აკაკი ბობოხიძის იმ კანონპროექტის პლენარულ სხდომაზე გატანას , რომელიც მარეგულირებელი ორგანოების წარმომადგენლებისა და "საპარტნიორო ფონდის" ხელმძღვანელის ხელფასების შემცირებას ისახავს მიზნად.
კერძოდ, ოპოზიციონერი დეპუტატის მიერ შეთავაზებული პროექტები აღნიშნული პირებისთვის სახელფასო ჭერის დაწესებას და ხელფასის ოდენობის საკონსტიტუციო სასამართლოს მოსამართლებთან გათანაბრებას ითვალისწინებს.
ბობოხიძის ინფორმაციით, "საპარტნიორო ფონდის" მთავარი აღმასრულებლის ხელფასი 21 ათასი ლარით არის განსაზღვრული, კომუნიკაციის ეროვნული კომისიის თავმჯდომარის ხელფასი 16 640 ლარია, სემეკის თავმჯდომარის ხელფასი – 12 ათასი ლარი, ხოლო წევრების – 11 900 ლარი.