ამ წუთებში მსოფლიო მედიის ყურადღების ცენტრში პარიზია. სან-დენის გარეუბანში ანტიტერორისტული ოპერაცია დილის 05:00 საათიდან მიმდინარეობს.

ადგილზე ინტენსიური სროლისა და აფეთქების ხმა ისმის. დაღუპულია სამი ეჭვმიტანილი. მათ შორის ერთი ქალია, რომელსაც, გავრცელებული ინფორმაციით, შაჰიდის ქამარი ჰქონდა და თავი აიფეთქა.

ადგილზე მყოფი ფრანგი ჟურნალისტების ინფორმაციით, შენობაში სულ 6 ადამიანი იმყოფება. ასევე, მედიის ცნობით, პოლიციამ ორი ეჭვმიტანილის აყვანა შეძლო.

#პარიზისტერაქტები