20 ოქტომბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე საქართველოს პარლამენტში ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე მოხსენებით წარსდგა.

სახელმწიფო მინისტრმა სამთავრობო პროგრამის-„ძლიერი, დემოკრატიული, ერთიანი საქართველოსთვის" განხილვის ფარგლებში დეპუტატებს, არასამთავრობო ორგანიზაციებისა და მედიის წარმომადგენლებს ევროკავშირსა და ნატოში ინტეგრაციის კუთხით სახელმწიფო მინისტრის აპარატის მიერ გაწეული სამუშაოს შესახებ ანგარიში და სამომავლო გეგმები წარუდგინა.