ჩვენს ქვეყანაში შესაძლებელია დედაქალაქის ცენტრალურ მოედანზე ისე ითარეშო, არავინ დაგსაჯოს - ასეთი გადაწყვეტილება წინა კვირას საქალაქო სასამართლომ მიიღო და მამა ტაბურეტკად ცნობილი მღვდელი იოათამი, თანმხლებ მოძალადეებთან ერთად ორი წლის მსჯელობის შემდეგ პასუხისმგებლობისგან გაათავისუფლა. შესაძლოა უცნაურად მოგეჩვენოთ, მაგრამ ეს გადაწყვეტილება მაინც სამართლიანი მგონია. რატომ უნდა გადატყდეს ჯოხი ერთ, უვიც მღვდელზე, როცა 17 მაისის საქმეზე მთელი ეკლესია დამნაშავეა. დამრბევებიდან არავინ დასჯილა და არც არავის ჰქონდა ამის იმედი, საქართველოს ისტორიის მოცემულ მონაკვეთში დაბადებულ გეებს, ლესბოსელებს, ბისექსუალებსა და ტრანსგენდერებს, სხვებთან ერთად მოუწევთ მძიმე შრომა და წლების ბრძოლა, იმისთვის რომ სამართალი იპოვნონ.