ყვარელში, მოქალაქეების დაინფიცირება, სავარაუდოდ ნოროვირუსულ აფეთქებას ჰგავს - ამის შესახებ "ინტერპრესნიუსს" დაავადებათა კონტროლის ეროვნული ცენტრის სამეცნიერო საბჭოს თავმჯდომარემ პაატა იმნაძემ განუცხადა.
მისი ინფორმაციით, ამ ეტაპისთვის უკვე ცნობილია ერთ-ერთი ანალიზის პასუხი, რომლის მიხედვითაც დადასტურდა, რომ დაავადებულების შემთხვევაში ადგილი გვაქვს ნოროვირუსთან. აღნიშნული ინფექცია შესაძლოა წყლის საშუალებითაც გავრცელდეს, თუმცა დაავადებას ძირითადად იწვევს დაუბანელი ხელები ან ფეკალიებით დაბინძურებული საკვები.