- არეულობაა ერევანში - სომხეთის დედაქალაქში საპროტესტო აქციის დარბევის მიუხედავად ერთიანობის მარში გრძელდება. სომეხი აქტივისტები აქციის დარბევის მონაწილეთა დასჯას მოითხოვენ. მოსკოვი მოვლენებს ყურადღებით აკვირდება, კრემლთან დაახლოებული ექსპერტები კი დასავლეთის მცდელობას ხედავენ, სომხეთის პრორუსული კურსი შეცვალოს. ერევანში აქციები დენის ტარიფის გაზრდის წინააღმდეგ დაიწყო.

- დღეს საქართველოს წყლის კომპანიამ წყნეთის ქუჩაზე მინი გამწმენდი ნაგებობის მშენებლობა დაიწყო - ამით კანალიზაციის მდინარე ვერეში ჩადინება უნდა აღიკვეთოს. იმის გამო, რომ საზოგადოებასა და მოხალისეებს გარემო პირობების შესახებ ინფორმაცია არ ქონდათ, სახელწმიფო სტრუქტურებს აკრიტიკებენ არასამთავრობო ორგანიზაციათა წარმომადგენლები.

- სტიქიით დაზარალებულ ტერიტორიაზე კი სამუშაოები გრძელდება. ამ დრომდე კვლავ დაკარგულად ითვლება სამი ადამიანი.

- პრეზიდენტის ადმინისტრაცია გიორგი ქადაგიძის ადგილმონაცვლის შერჩევას იწყებს - მარგველაშვილის ადმინისტრაციაში ამტკიცებენ, რომ კონსულტაციები ღია იქნება და საზოგადოების წარმომადგენლებთან ერთად გაიმართება. ეროვნული ბანკის პრეზიდენტს, გიორგი ქადაგიძეს უფლებამოსილების ვადა 2016 წლის თებერვალში ეწურება.