- პარლამენტის სხდომა დღეს ჩაიშალა - ერთიანი ნაციონალური მოძრაობისა და თავისუფალი დემოკრატების წევრებმა რეგისტრაცია პროტესტის ნიშნად არ გაიარეს, ამიტომ ქვორუმი ვერ შედგა. ოპოზიციონერები საარჩევნო რეფორმის მიმართ ხელისუფლების დამოკიდებულებას აპროტესტებენ.
- საპარლამენტო უმცირესობასთან ერთად პროტესტი დღეს არასაპარლამენტო ოპოზიციურმა პარტიებმაც გამოთქვეს - ისინი კონსტიტუციის ფარგლებში ხელისუფლების მუშაობის პარალიზებას გეგმავენ.
- ერთიანმა ნაციონალურმა მოძრაობამ ანტიკრიზისული გეგმა წარადგინა - ეს პროექტი მიზნად ბიუროკრატიის და გადასახადების მნიშვნელოვნად შემცირებას გულისხმობს - ამავდროულად გეგმა ბიუჯეტის ხარჯების ერთი მთელი ოთხი მეათედი მილიარდით შეკვეცას ითვალისწინებს.
- თავდაცვის სამინისტროს ყოფილი თანამშრომლების ადვოკატების ინფორმაციით, პროკურატურამ საპელაციო სასამართლოში შეტანილ საჩივარს გრიფი დაადო. პროკურატურა საქალაქო სასამართლოს გადაწყვეტილებას ასაჩივრებს. მოსამართლემ ბრალდებულების ადვოკატის პოზიცია გაიზიარა და ბრალდების მხარის ერთ-ერთი მნიშვნელოვანი საქმეში დაუშვებლად ცნო.