- უკრაინაში ომი ახალ ფასაში გადავიდა - დონეცკის მახლობლად ბრძოლები განახლდა, სამთავრობო ძალები იძულებულები გახდნენ პრორუსი ინტერვენტების მოსაგერიებლად არტილერიიდან გაეხსნათ ცეცხლი. უკრაინული წყაროების ცნობით, ბრძოლებში 7 სამხედრო დაიჭრა, დაშავდნენ მშვიდობიანი მოქალაქეებიც. სეპარატისტებს შორის მსხვერპლი 15-ს აღწევს.

- 2015 წლის მაისში წინა წლის მაჩვენებელთან შედარებით ინფლაციამ 3.5% შეადგინა, რაც ჯერჯერობით 2015 წლის ინფლაციის ყველაზე მაღალი მაჩვენებელია. ინფლაციის ფორმირებაზე ძირითადი გავლენა მოახდინა ფასების ცვლილებამ მათ შორის სურსათზე, ჯანდაცვაზე, ალკოჰოლურ სასმელებსა და თამბაქოზე.

- პროკურატურის სპეციალურად ე.წ. სამართლიანობის აღდგენისთვის შექმნილმა დეპარტამენტმა ბიზნესმენებისთვის თანხის გამოძალვაში შინაგან საქმეთა სამინისტროს ყოფილი მაღალჩინოსნები დააკავა. 5 ფაქტზე პროკურატურის მტკიცებით ძიება უკვე დასრულებულია.

- თბილისში ესტონეთის პრეზიდენტის ვიზიტი დღეს გაგრძელდა - ტომას ჰენდრიკ ილვესი საქართველოს პრეზიდენტსა და პრემიერმინისტრს შეხვდა. ესტონეთის პრეზიდენტმა განაცხადა, რომ მისი ქვეყანა შეასრულებს მნიშვნელოვანი მხარდამჭერის როლს საქართველოს ევროპული და ევროატლანტიკური ინტეგრაციის პროცესში