- საქართველოს მთავრობის კანცელარიასთან აქცია გაიმართა. სადაც ჩვენი ქვეყნის მოქალაქეეები მარიხუანას დეკრიმინალიზაციას ითხოვენ. არ დაიჭირო - ამ ლოზუნგით აქტივისტები მოუწოდებენ ხელისუფლებას მხარი დაუჭიროს პარლამენტში ინიცირებულ საკანონმდებლო ცვლილებას, რომელიც მარიხუანას მოწევისთვის ადამიანების ციხეში დაჭერას არ დაუშვებს.

- 2015 წელს, მაისის ჩათვლით, მსოფლიოს 31 ქვეყანაში ექსპორტირებულია 10-ნახევარი მილიონი ბოთლი ქართული ღვინო, რაც წინა წელთან შედარებით 54%-ით ნაკლებია. ექსპორტის კლება ორ წამყვან ბაზარზე, რუსეთსა და უკრაინაში ღვინის ექსპორტის შემცირებითაა განპირობებული.

- ერთიანი ნაციონალური მოძრაობა 2014 წლის განმავლობაში სახელმწიფო უწყებებში გაცემული პრემიებისა და სახელფასო დანამატების შესახებ მონაცემებს აქვეყნებს - 16 სამინისტროდან გამოთხოვილი ინფორმაციის მიხედვით, ამ უწყებებში გასულ წელს პრემიებისა და დანამატების სახით სულ 48 მილიონი ლარი გაიცა.

- არასამთავრობო ორგანიზაციები ხელისუფლებას საარჩევნო კოდექსის დროული ცვლილებისკენ მოუწოდებენ - მას შემდეგ რაც საკონსტიტუციო სასამართლომ არსებული მაჟორიტარული სისტემა არასამართლიანად ცნო, საარჩჩევნო სისტემის ცვლილებაზე საუბარი გააქტიურდა.