საქართველოს რეგიონული განვითარებისა და ინფრასტრუქტურის მინისტრი, ნოდარ ჯავახიშვილი აშშ-ს ელჩს საქართველოში რიჩარდ ნორლანდს და ამერიკის საერთაშორისო განვითარების სააგენტოს (USAID) ხელმძღვანელს, სტივ ჰეიკინს შეხვდა.
შეხვედრაზე მხარეებმა ქვეყანაში აშშ-ის ფინანსური მხარდაჭერით მიმდინარე ინფრასტრუქტურულ პროექტებზე ისაუბრეს. ელჩი მინისტრის ხედვითა და სამინისტროს პრიორიტეტებით დაინტერესდა. ნოდარ ჯავახიშვილის განცხადებით, საქართველოს რეგიონული განვითარებისა და ინფრასტრუქტურის სამინისტროს ძირითადი მიმართულებები არ შეცვლილა და უწყება ძალისხმევას არ იშურებს პროექტების წარმატებით განხორციელებისათვის. გარდა ამისა, საუბარი შეეხო მიმდინარე ინფრასტრუქტურულ სამუშაოებს, მათ შორის აღმოსავლეთ-დასავლეთ ჩქაროსნული ავტომაგისტრალის მშენებლობის საკითხს, ასევე, თვითმმართველობის რეფორმას და დაგეგემილ პროექტებში ინვესტორების ჩართულობას.