პრემიერ-მინისტრი ირაკლი ღარიბაშვილი ვაკის პარკში მეორე მსოფლიო ომში დაღუპულთა მემორიალთან საქართველოს კათოლიკოს-პატრიარქთან, უწმინდესთან და უნეტარესთან ილია მეორესთან ერთად მივიდა. პრემიერმა უცნობი ჯარისკაცის საფლავი გვრიგვინით შეამკო.
ვაკის პარკში ასევე იმყოფებოდნენ შინაგან საქმეთა მინისტრი ვახტანგ გომელაური, თავდაცვის მინისტრი თინა ხიდაშელი, თბილისის მერი დავით ნარმანია.
უცნობი ჯარისკაცის საფლავთან მინისტრთა კაბინეტის წარმომადგენლები, საზოგადო მოღვაწეები და ომის ვეტერანები დილიდან იკრიბებიან.

ამ წუთებში ვაკის პარკში ფილმ „ჯარისკაცის მამის“ კინოჩვენება მიმდინარეობს, რომელსაც სამთავრობო გუნდი პრემიერ-მინისტრთან ერთად ესწრება.
დღეს 9 მაისს ფაშისტურ გერმანიაზე გამარჯვების 70-ე წლისთავი აღინიშნება.