ლარის კურსი, ახალი ენერგო და ინფრასტრუქტურული პროექტები, სხვადასხვა სფეროში მოსალოდნელი ინვესტიციები, ტურიზმის განვითარებისთვის საჭირო ღონისძიებები, - ძირითადად ამ მიმართულებებზე გაამახვილეს ყურადღება მთავრობის წევრებმა გამოსვლების დროს, მათ შორის იყო გარემოს დაცვის ახლადდანიშნული მინისტრიც, რომელმაც დეპუტატებს საკუთარ უწყებაში დაგეგმილი რეფორმები გააცნო. სიტყვით გამოვიდა ფინანსთა მინისტრიც, რა დროსაც მთავარი აქცენტი სამინისტროების მხრიდან საბიუჯეტო თანხის ათვისებაზე და საგადასახადო ცვლილელებზე გაკეთდა. 44 მომხრე და 2 წინააღმდეგი – საკომიტეტო მოსმენაზე დეპუტატების თითქმის სრულმა უმრავლესობამ 6 მინისტრისთვის ნდობის გამოცხადებას მხარი დაუჭირა.