- მთავრობის ახალ შემადგენლობაში პრემიერის მიერ დაანონსებული 2 ახალი მინისტრის ნაცვლად, 3 ახალი მინისტრი იქნება. ყველაზე მნიშვნელოვანი ცვლილების ცენტრალური ფიგურა თინა ხიდაშელია - ირაკლი ღარიბაშვილი რესპუბლიკელ მაჟორიტარ დეპუტატს თავდაცვის მინისტრის პოსტს აბარებს. მთავრობის შემადგენლობა პარლამენტს პრეზიდენტმა უნდა წარუდგინოს. ეს კი, პრემიერის და მინისტრების მოლოდინის საპირისპიროდ, არა დღეს, არამედ ერთი კვირის ვადაში მოხდება. პრეზიდენტის ეს გადაწყვეტილება დღეს განსჯის კიდევ ერთი მთავარი საგანი გახდა.
- პრეზიდენტის გადაწყვეტილებით უკმაყოფილონი დარჩნენ მთავრობის წევრები. ზოგიერთი მინისტრისთვის გიორგი მარგველაშვილის არგუმენტებია გაუგებარი, ფინანსთა მინისტრი კი იმ უარყოფით გავლენაზე ალაპარაკდა, რომელზეც, მისი თქმით, ლარის კურსზე პოლიტიკური გაურკვევლობა ახდენს. პრეზიდენტის გადაწყვეტილებას კრიტიკით შეხვდნენ საპარლამენტო უმრავლესობაშიც, თუმცა გიორგი მარგველაშვილს გადაწყვეტილებას უწონებს ოპოზიცია.
- მთავრობის განახლებულ შემადგენლობას ნდობა პარლამენტმა უნდა გამოუცხადოს, ამიტომ მნიშვნელოვანია, რას ფიქრობენ დეპუტატები - მინისტრების კანდიდატურებით კმაყოფილნი არიან საპარლამენტო უმრავლესობის წარმომადგენლები. ოპოზიცია კი კოსმეტიკურ ცვლილებებსა და პასუხისმგელობის პრობლემაზე საუბრობს.