- ეროვნული ბანკის სავალუტო აუქციონზე ლარის ახალი გაცვლითი კურსი დადგინდა, რომელიც 16 წლის განმავლობაში ყველაზე უარესი მაჩვენებელია. ეროვნული ვალუტა დღეს მთელი 2-ნახევარი თეთრით გაუფასურდა. ხვალ ერთი აშშ დოლარი 2 ლარი 28 თეთრი ეღირება. ბოლოს ეროვნული ვალუტა ასეთი გაუფასურებული 1999 წლის მარტში იყო.
სავალუტო შოკის დაწყებიდან ეროვნული ვალუტის კურსი 31%-ით გაუფასურდა.

- ტარიფების შემცირება, მეტიც - განახევრება ქართული ოცნების ერთ-ერთი წინასაარჩევნო დაპირება იყო. თუმცა, ხელისუფლებაში მოსვლის შემდეგ მათ აღიარეს, რომ მცდარი მოლოდინები შექმნეს.
გაიზრდება, თუ არა ელექტროენერგიის ტარიფი? პრემიერი ამბობს, რომ ტარიფი ამ ეტაპზე არ მოიმატებს. ენერგეტიკის მინისტრი საკითხს განცხადებით ეხმაურება. პრემიერისგან განსხვავებით, ის არ გამორიცხავს მატებას.

- პრემიერმინისტრი გურჯაანში დაპირისპირების თემას კიდევ ერთხელ გამოეხმაურა და მომხდარზე პასუხისმგებლობა კიდევ ერთხელ ერთიან ნაციონალურ მოძრაობას დააკისრა. პრემიერი თვლის, რომ მოსახლეობის რეაქცია მიუღებელია, თუმცა, აგრესია - გასაგები.
შეგახსენებთ, რომ არასამთავრობო ორგანიზაციებმა პრემიერს თავისი განცხადებების გამო მოუწოდეს, თავი შეიკავოს ძალადობის წახალისებისგან.

- ბელარუსის პრეზიდენტმა საქათველოში ვიზიტი ბათუმში დაასრულა.
პოლიტიკოსები ბელარუსის პრეზიდენტის ალექსანდრ ლუკაშენკოს საქართველოში ვიზიტს აფასებენ. პრეზიდენტის ადმინისტრაცია კი გიორგი მარგველაშვილსა და ალექსანდრე ლუკაშენკოს ერთობლივ განცხადებას აქვეყნებს.
შეგახსენებთ, რომ გუშინ ლუკაშენკოს განცხადებებმა საქართველოზე, ბელარუსსა და რუსეთზე და მათ საერთო ოჯახთან დაკავშირებით, აზრთა სხვადასხვაობა გამოიწვია. ბელარუსის პრეზიდენტის სიტყვებს ქართველ კოლეგასთან მიღწეულ შეთანხმებებთან განსხვავებული ინტერპრეტაციებიც მოჰყვა.