ყველანი უნდა დავემორჩილოთ რაღაც თამაშის წესებს, მათ შორის პრეზიდენტიც - ასე გამოეხმაურა გიორგი მარგველაშვილის ავლაბრის რეზიდენციიდან ათონელზე შესაძლო გადასვლის საკითხს ბიძინა ივანიშვილი. ყოფილი პრემიერის თქმით, პრეზიდენტის ადმინისტრაციას 10 000 კვ/მ-ის ფართობი უკავია, რაც „ჭარბი ფართია.“
საქართველოს პრეზიდენტის განცხადებით, ბიძინა ივანიშვილისთვის მიუღებელია, რომ ის დამოუკიდებლოად იღებს გადაწყეტილებებს. გიორგი მარგველაშვილი აღნიშნავს, რომ საკითხი არ უკავშირდება კვადრატულ მეტრებს და ეს პოლიტიკური თემაა.
მოქმედი პრემიერის თქმით კი, გიორგი მარგველაშვილის ადგილზე ის ათონელის რეზიდენციაში აუცილებლად გადავიდოდა. ირაკლი ღარიბაშვილი ამბობს, რომ მოსახლეობის ნახევარზე მეტი გაჭირვებულია და ქვეყანაში არ არის ის სიტუაცია, რომ პრეზიდენტმა ნახევარმილიარდიან სასახლეში იცხოვროს.