საერთაშორისო სარეიტინგო სააგენტომ Fitch-მა საქართველოს ეკონომიკური პერსპექტივა პოზიტიურიდან სტაბილურამდე შეამცირა. რაც იმას ნიშავს, რომ კომპანია გრძელვადიან პერიოდში საქართველოს ეკონომიკის მნიშვნელოვან წინსვლას არ ვარაუდობს. თავად რეიტინგი კი უცვლელია და BB მინუსს შეადგენს.

ხელისუფლებაში ამ ცვლილებას კვლავ გარე შოკებს უკავშირებენ თუმცა Fitch-ის ანგარიშში საუბარია როგორც გარე, ისე შიდა ეკონომიკურ პრობლემებზე. საგარეო ფაქტორების გარდა, რეიტინგის გაუარესების ერთ-ერთ მიზეზად ბიუჯეტის დეფიციტის მაჩვენებლის ზრდა და ახალი რეგულაციების დაწესება სახელდება.

ეს პირველი შემთხვევაა არაა და სამწუხაროდ, ალბათ არც უკასნკნელი აღმოჩნდება, როცა საერთაშორისო ორგანიზაციები საქართველოს დადებით რეიტინგებს ცვლიან. ახალი რეგულაციების შემოღება, კანონმდებლობის გართულება და ინვესტიციების შემოსვლისთვის ხელისშეშლა შესაძლოა რეიტინგების უფრო გაუარასების მიზეზიც გახდეს.

ამ თემებზე ვსაუბრობთ ეკონომისტ რომან გოცირიძესთან ერთად.