- ათონელის რეზიდენცია საქართველოს პრეზიდენტისთვის მომზადდა, თუმცა, მან ავლაბრის რეზიდენციაში დარჩენა არჩია. განიხილება პრივატიზება, ეკონომიკის მინისტრი კი ხაზს უსვამს იმას, რემონტში დახარჯული თანხის ამოღება რთული იქნება.

- საერთაშორისო სარეიტინგო სააგენტო Fitch-ი საქართველოს ეკონომიკურ პერსპექტივას პოზიტიურის ნაცვლად სტაბილურად აფასებს. ეს თვეების წინ პოზიტიური მოლოდინის მინიჭების შემდეგ გაუარესებული შედეგია. რითი ხსნის ამას, ერთი მხრივ, საერთაშორისო სააგენტო და, მეორე მხრივ, საქართველოს მთავრობა.

- კახა ბენდუქიძე დღეს 59 წლის გახდებოდა - ქართველი რეფორმატორისა და ქველმოქმედის დაბადების დღის აღსანიშნავად დღეიდან მისი სახელობის კვირეული გაიხსნა. 7 დღის განმავლობაში თავისუფალ და აგრარულ უნივერსიტეტებში ბენდუქიძის მიერ გატარებულ რეფორმებსა და მის მიერ დაწყებულ პროექტებზე ისაუბრებენ.

- პანკისის ხეობიდან სირიაში წასული ახალგაზრდების თემა კვლავ აქტიური განხილვის საგანია. შინაგან საქმეთა სამინისტრო ამტკიცებს, რომ გამოძიება გრძელდება და ისინი, ვინც ახალგაზრდების გადაბირებაზე მუშაობენ, მკაცრად დაისჯებიან. პანკისში კი ახალი მოძრაობა - პანკისელი დედები შვილების გადასარჩენად შეიქმნა.