აუტიზმის ცნობადობის ამაღლების მსოფლიო დღესთან დაკავშირებით, საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ გიორგი ამაშუკელმა მუნიციპალური განვითარების ფონდის აღმასრულებელ დირექტორთან, ილია დარჩიაშვილთან ერთად, დღეს, თბილისში „ფსიქოლოგიური მომსახურების ცენტრი - „მწვანე სახლი“ გახსნა. „მწვანე სახლი“ სარეაბილიტაციო ცენტრია, რომელიც აუტიზმის სინდრომის მქონე ბავშვებს მკურნალობასა და საზოგადოებასთან ინტეგრაციაში ეხმარება. ობიექტის სარემონტო სამუშაოები საქართველოს მუნიციპალური განვითარების ფონდმა სახელმწიფო დაფინანსებით განახორციელა და მისი ღირებულება 65 143 ლარია.