განთქმული ქალაქი კუნძულზე საფრანგეთში - მონ სენ მიშელი სრულიად მოწყდა მატერიკს.
ამ ადგილზე ევროპაში ყველაზე ძლიერი მიქცევები და მოქცევებია, თუმცა შაბათის მოქცევა ადგილობრივების დაკვირვებით, ერთ-ერთი ყველაზე ძლიერი იყო ისტორიის განმავლობაში.
„მონ სენ მიშელი სრულად არის წყლით გარშემორტყმული. ასეთი რამ დიდი ხანია არ გვინახავს“ - აცხადებენ ადგილობრივები.
ძლიერ მოქცევას ასეთივე ძლიერი მიქცევა მოყვება და ზღვის ფსკერის ის მონაკვეთებიც გამოჩნდება, რომელზეც ადამიანს ფეხი ჯერ არ დაუდგამს.
მეცნიერები მიიჩნევენ, რომ ეს მოვლენები პირდაპირ უკავშირდება რამდენიმე დღის წინ მომხდარ მზის დაბნელებას. მზისა და მთვარის გავლენით, მსოფლიო ოკეანეებში წყლის მოძრაობის მასშტაბები გაიზარდა.