ახალი ობიექტის პრეზენტაცია ასპინძაში - დღეიდან განსაკუთრებულ დავალებათა სამმართველო სამცხე-ჯავახეთშიც იმუშავებს. რეაბილიტირებული ობიექტი, შინაგან საქმეთა მინისტრთან და მთავრობის სხვა წევრებთან ერთად, პრემიერმა დაათვალიერა, რომელმაც მოგვიანებით სპეცრაზმელებს მიმართა. ახალი შენობის გახსნა განსაკუთრებულ დავალებათა სამმართველოს საიუბილეო თარიღს დაემთხვა. ობიექტს რეაბილიტაცია საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ჩაუტარა.