■ სიტყვიერი დაპირისპირება საკრებულოს წევრ ალეკო ელისაშვილსა და თბილისის განვითარების ფონდის ხელმძღვანელს თემურ ხომერიკს შორის საკრებულოს შენობასთან "კურიერის" კამერამ გადაიღო.

ალეკო ელისაშვილმა ხომერიკი უმოქმედობაში დაადანაშაულა.

"კორუფციით გარყვნილი ტვინი გაქვთ და გგონიათ, რომ ასე ცხოვრობს ყველა," - ასე მიმართა ელისაშვილმა ხომერიკს.

თემურ ხომერიკმა კი ელისაშვილს მენეჯმენტის ცოდნა დაუწუნა.

"რა გესმის მენეჯმენტის, როდის ისწავლე, არაკვალიფიციურ ჟურნალისტად დარჩი," - განაცხადა ხომერიკმა.

ელისაშვილის პრეტენზიებს გამვლელები მას შემდეგ შეუერთდნენ, რაც საკრებულოს დამოუკიდებელმა დეპუტატმა ხალხს უთხრა, რომ ხომერიკს 6 ათას ლარამდე ხელფასი აქვს, ქალაქისთვის კი არაფერს აკეთებს.