■ სოციალურ პროექტ "რაკამაკაფოს" ფარგლებში საქართველოსა და რუსეთში ვიდეო-ექსპერიმენტი ჩატარდა. ფარული კამერის ობიექტივში ამჯერად თბილისელი და სანკტ-პეტერბურგელი ტაქსის მძღოლები მოხვდნენ.
მათ უცნობი მგზავრი აჩერებს და ეკითხება, წაიყვანენ თუ არა გოგონას, რომელიც ცუდად გახდა უფასოდ საავადმყოფოში. თბილისელი მძღოლების 80 პროცენტი გოგონას დახმარებაზე თანხმობას აცხადებს, სანკტ-პეტერბურგელი მძღოლების აბსოლუტური უმრავლესობა კი უარზეა. პროექტის ავტორები განსაკუთრებით იმ ფაქტმა გააოცა, რომ გოგონას დახმარებაზე რუსეთშიც კი მხოლოდ ეთნიკური კავკასიელები თანხმდებიან.