ანტიქრისტეს გამეფების ჟამს როგორი მტაცებლობა ატყდება! როგორი მამათმავლობა, მრუშობა, სისხლის აღრევა აღზევდება მაშინ! გარყვნილება იქნება მაშინ ადამიანთა სიამოვნება. როგორ დაცემამდე დამდაბლდებიან ადამიანები? როგორ გაიხრწნებიან სიძვით? მაშინ მოხდება შეშფოთება, უდიდესი პაექრობისმოყვარეობა, განუწყვეტლივ იდავებენ და ვერ გააგნებენ ვერც თავს, ვერც ბოლოს…ბოროტებას მიიღებენ დასაღუპავად ისე რომ ვეღარ მიხვდებიან რომ არის ძმა და არის და, რომ არის მამა და არის დედა, და არ სცნობენ საქორწინო გვირგვინსაც. დაგმობენ ღმერთის სახელს, დაივიწყებენ რწმენას და ექნებათ ერთადერთი დაღუპვა, ერთი დაცემა დაღუპვაში, როგორც სოდომსა და გომორს, ანუ არ მოიძებნება ხუთი მართალიც კი…და ეყოლება ძმას და, როგორც ცოლი, დედას – ძე, როგორც ქმარი, ვაჟი მამას მოკლავს და იმრუშებს დედასთან და ბოროტების წყვდიადი იქცევა ჩვეულებად. რამდენი ბოროტი საქმენი მიემატებათ ადამიანებს, განმრავლდება მათზე უბედურება…ადამიანები კი, რაც მეტი უბედურება შეემთხვევათ, მეტად ააღორძინებენ ბოროტებას, ანუ სინანულის ნაცვლად გაბოროტდებიან ღმერთზე და დაგმობენ მის სახელს. ადამიანთა მიერ ჩადენილი ბოროტი გმობანი წარღვნისდროინდელ ბოროტ საქმეებზე უმეტესი იქნება. მხოლოდ ბოროტებაზე ილაპარაკებენ, მხოლოდ ბოროტი ზრახვები ექნებათ, ბოროტი სურვილები, მხოლოდ ბოროტის გამო ამხანაგობა, თითოეულს მხოლოდ ბოროტი საქმე, საყოველთაო ბოროტი მტაცებლობა, საყოველთაო ბოროტი განკითხვა, საყოველთაო ბოროტი გათიშულობა. თან იფიქრებენ, რომ ბოროტის ჩამდენიც დახსნილი იქნება… ეკლესიის სახარება აბუჩად იქნება აგდებული…ეს ბოროტება იქნება ანტიქრისტეს საზრდო.-------------- წმ. ნილოს მირონმდინარე