ლარის კურსის ვარდნის გამო პრობლემები აქვთ რეგიონის მაცხოვრებლებს. მათი განცხადებით, უმრავლესობას საბანკო კრედიტები აქვს, რომელთა გადახდასაც ვეღარ ახერხებენ, რადგან ბოლო დღეებში, სოფლის მეურნეობის ადგილობრივ და შემოტანილ პროდუქციაზე მოთხოვნა შემცირდა.

გარდა ამისა, როგორც ახალციხეში აცხადებენ, ფერმერები ბოლო დღეებში საქონლის გაყიდვისგან თავს იკავებენ და ფასების დასტაბილურების მოლოდინში არიან, რამაც ახლო მომავალში, შესაძლოა, ბაზარზე პროდუქტის დეფიციტი გამოიწვიოს.