■ ახალ ზელანდიაში ზღვამ დაახლოებით 200 დელფინი გამორიყა. მათგან, 20 დელფინი მოკვდა. დელფინების გადასარჩენად, სპეციალური სამაშველო ღონისძიება განხორციელდა. ამ ღონისძიებაში დაახლოებით 80 ადამიანი ჩაერთო.

უცნობია ზუსტი მიზეზი, თუ რატომ ხვდებიან დელფინები ხმელეთზე. მეცნიერები აცხადებენ, რომ ეს ვეშაპისმაგვართათვის დამახასიათებელი „თვითმკვლელობაა“. ხშირად, როდესაც ერთი დელფინი ხმელეთზე აღმოჩნდება, დანარჩენები გადასარჩენად მას უკან მიყვებიან და თავადაც გამოუვალ მდგომარეობაში ვარდებიან.