სოფელ თუზის მცხოვრებლები წლების განმავლობაში ქათამაძეების მღვიმეში ნარჩენებს და ცოცხალ ძაღლებს აგდებდნენ.
ადგილობრივების თქმით, მღვიმეში უპატრონო ძაღლების გადაყრის მიზეზი შინაური ფრინველების განადგურება იყო.
„2 თვის წინ მეც გადავაგდე ძაღლი, რომელიც ცხოველთა დამცველებმა მღვიმიდან რამდენიმე წუთის წინ ამოიყვანეს. წიწილებს და კვერცხებს ჭამდა, რის გამოც სახლში მისი გაჩერება აღარ შეიძლებოდა. ვიფიქრე, თავისით მოკვდება-თქო, არ მეგონა 2 თვე თუ გაძლებდა“, - აცხადებს თერჯოლის რაიონის სოფელ თუზში მცხოვრები.
რაიონში არსებული მღვიმის შესახებ ინფორმაცია მედიას მთამსვლელთა და მოგზაურთა კლუბმა „თეთნულდმა“ მიაწოდა. მათი დახმარებით მღვიმეში ცხოველთა დამცველები ჩავიდნენ და ცხველები ამოიყვანეს.
სოციალურ ქსელში გავრცელდა ფოტოკადრები, სადაც აღნიშნულია, რომ თერჯოლის მუნიციპალიტეტის სოფელ თუზსში „ქათამაძის მღვიმეში“ მაწანწალა ძაღლებს და ნაგავს ყრიან.
ამის შესახებ ინფორმაციას მთამსვლელთა და მოგზაურთა კლუბი “თეთნულდი” ავრცელებს.
კლუბის წევრთა განცხადებით, მღვიმეში საშინელი ანტისანიტარიაა მოსახლეობა მღვიმეში საყოფაცხოვრებო ნარჩენებს ყრის, გარდა ნაგვისა, კლუბის წევრებს მღვიმეში 5 „გადაგდებული“ ძაღლიც დახვდა, რომლებიც ადგილობრივების ბრალდებით ქათმებს ჭამდნენ. ისინი ორმოში ფაქტიურად დატუსაღებულები არიან, ცხოველებს მღვიმიდან ამოსასვლელი არ აქვთ და შიმშილით სიკვდილი ემუქრებათ.
„ქუთაისი თუდეი“ თერჯოლის მუნიციპალიტეტის გამგებელს თემურ ჯაფარიძეს დაუკავშირდა.თემურ ჯაფარიძემ აღნიშნულის შესახებ „ქუთაისი თუდეის“ ჟურნალისტისგან გაიგო.
„ამის შესახებ არაფერი მსმენია. აუცილებლად მოვიკვლევთ და ჩვენი მხრიდან მოყვება შესაბამისი რეაგირება,“-განაცხადა ჯაფარიძემ.
ცხოველებს მღვიმიდან ამოსასვლელი არ აქვთ და შიმშილით სიკვდილი ემუქრებათ.