სამედიცინო სტატისტიკის მიხედვით, საქართველოში 2000–დან 2012 წლამდე ქვეყნის მოსახლეობაში სუნთქვის ორგანოების დაავადების მაჩვენებელმა მოიმატა. მტვრის ნაწილაკების მუდმივი ზემოქმედება აძლიერებს გულ–სისხლძარღვთა და რესპირატორული დაავადებების, ასევე ფილტვის კიბოს განვითარების რისკს. მსოფლიო მასშტაბით შემაშფოთებელი შედეგები დაიდო. ექსპერტთა შეფასებით, ჰაერის დაბინძურება ყოველწლიურად მსოფლიო მასშტაბით 2 მილიონამდე ადამიანის ნაადრევი სიკვდილის მიზეზი ხდება. საქართველოში ატმოსფერული ჰაერის დაბინძურების ძირითადი წყარო არის სატრანპორტო საშუალებების გამონაბოლქვი და 71%–მდეც კი აღწევს. გადაცემის სტუმარია არაგადამდებ დაავადებათა დეპარტამენტის უფროსი ლელა სტურუა. ლელა სტურუა: „საქმე მართლაც ძალიან ცუდად არის. სამწუხაროდ, ძალიან იშვიათად გვახსენებდა ხოლმე ის გარემო, რა გარემოშიც ჩენ ვცხოვრობთ. ჩვენ ძალიან კრიტიკულად ვუდგებით იმას, თუ რას მივირთევთ, მაგრამ რას ვსუნთქავთ, ამაზე ძალიან ხშირად არ ვფიქრდებით. ჰაერი სერიოზულად არის დაბინძურებული. განსაკუთრებით ეს ეხება გარე ჰაერს. გარე ჰაერის დაახლოებით 97% დაბინძურებულია სწორედ ავტომანქანების გამო“.