საქართველოს რეგიონული განვითარებისა და ინფრასტრუქტურის მინისტრის პირველი მოადგილე გიორგი ამაშუკელი თურქეთისა და საბერძნეთის ბიზნეს-სექტორის წარმომადგენლებს შეხვდა. სტუმრები საქართველოში არსებული ბიზნესგარემოთი და სამინისტროს საქმიანობით დაინტერესდნენ. მინისტრის მოადგილემ მათ უწყების საქმიანობის შესახებ დეტალური ინფორმაცია მიაწოდა და ასევე იმ საინვესტიციო პროექტების შესახებ ესაუბრა, რომელსაც რეგიონული განვითარებისა და ინფრასტრუქტურის სამინისტრო ამ მიმართულებით ახორციელებს. ბიზნესსექტორის წარმომადგენლებმა გამოხატეს ინტერესი კონკრეტული ინფრასტრუქტურული პროექტების მიმართ და სამომავლოდ ამ ობიექტების დათვალიერებაც დაიგეგმა.