■ თბილისში, ყოფილ ელბაქიძის აღმართზე გზის მონაკვეთი ჩაინგრა. მომხდარის ზუსტი მიზეზი უცნობია, თუმცა სავარაუდოდ ნგრევა მიწის ქვეშ გამავალმა წყალმა გამოიწვია. შედეგად, არავინ დაშავებულა. აღმართი - მიხეილ ჯავახიშვილის ქუჩა, სავარაუდოდ, რამდენიმე თვით გადაიკეტება. შემთხვევის ადგილზე თბილისის მერიისა და წყლის კომპანიის წარმომადგენლები მივიდნენ. ადგილზე მივიდა დედაქალაქის მერი დავით ნარმანიაც, რომელმაც აღნიშნა, რომ დედაქალაქის მთავრობა აღდგენით სამუშაოებს ინტენსიურ რეჟიმში განახორციელებს.