■ რუსული მედია ავრცელებს მოსკოვში, სასტუმრო «Националь»-ში გადაღებულ კადრებს, სადაც სათვალთვალო კამერებმა ქართველი ბიზნესმენის ივანე შერვაშიძის სიცოცხლის ბოლო წუთებია დაფიქსირებული.
შერვაშიძემ გუშინ საღამოს თავი მოიკლა.
სუიციდამდე, მამაკაცი სასტუმროს დერეფნებში დადიოდა. კადრებში ჩანს, რომ მას ხელში პაკეტი უჭირავს, რომელშიც სავარაუდოდ იარაღი დევს. მან დერეფანშივე ლუგერის ტიპის პისტოლეტის ლულა პირში ჩაიდო და სასხლეტს გამოჰკრა.
გასროლის ხმაზე გამოსულმა სასტუმროში მყოფებმა პოლიცია გამოიძახეს.
ადგილზე მისულმა პოლიციამ გარდაცვლილის დათვალიერებისას აღმოაჩინა წერილი, რომელშიც შერვაშიძე უკანასკნელი სურვილის შესახებ წერს. მან ითხოვა, მისი ფერფლი შავ ზღვაში მიმოაბნიონ. გარდაცვლილს თან აღმოაჩნდა დოკუმენტები და ანდერძი, რომელშიც ქონება აქვს გადანაწილებული.
ბიზნესმენი ივანე შერვაშიძე მუსიკალური მოწყობილობების გაყიდვით იყო დაკავებული.
მომხდართან დაკავშირებით, მიმდინარეობს გამოძიება.
ავტორი:
ინფო9