იანვარ–ნოემბერში წყალმომარაგების ინფრასტრუქტურის აღდგენა-რეაბილიტაციისთვის გათვალისწინებული თანხის 71% ათვისებულია. რეგიონული განვითარებისა და ინფრასტრუქტურის სამინისტროს ინფორმაციის მიხედვით, ამ მიმართულებით ბიუჯეტში 134 684 500 ლარის დახარჯვა იყო გათვალისწინებული. 11 თვეში კი თითქმის 96 მილ. არის ათვისებული, რაც წლიური გეგმის 71% შეადგენს. გეგმის შესანარჩუნებლად, დავით შავლიაშვილის უწყებამ წლის ბოლომდე დაახლოებით 39 მილ. ლარი უნდა დახარჯოს. მინისტრის მოადგილე გარკვეული ჩამორჩენების მიზეზად წინა ხელისუფლების დროს უხარისხოდ განხორციელებული პროექტების გადაკეთებას ასახელებს.