■ ლონდონში Victoria’s Secret-ის გრანდიოზული შოუ გაიმართა.
სცენაზე ანგელოზები გამოვიდნენ და საცურაო კოსტუმები წარადგინეს. შოუში პოპულარული მომღერლებიც მონაწილეობდნენ. ღონისძიების ყველაზე მთავარი ატრიბუტი - 2 მილიონ დოლარად შეფასებული ბიუსტჰალტერები, ადრიანა ლიმამ და ალესანდრა ამბროსიომ მოირგეს.
წლევანდელი კოლექციის დიზაინი საიუველირო კომპანია Mouawad-ს ეკუთვნის, რომელმაც ნამუშევრებზე 16 000 ბრილიანტი, საფირონი და ლალი გამოიყენა. ნამუშევრების მორთულობაზე დიზაინერები 1380 საათი მუშაობდნენ.