აღმოსავლეთ-დასავლეთის ჩქაროსნული ავტომაგისტრალის ქუთაისის შემოვლითი გზა რამდენიმე დღეში გაიხსნება. საგზაო მონაკვეთზე მიმდინარე ბოლო სამშენებლო სამუშაოები დღეს საქართველოს რეგიონული განვითარებისა და ინფრასტრუქტურის მინისტრმა, დავით შავლიაშვილმა ვერტმფრენიდან დაათვალიერა. 32-კილომეტრიანი საგზაო მონაკვეთი ასფალტობეტონის საფარით მოეწყო. მისი საექსპლოატაციო პერიოდი, მინიმუმ, 30 წელია.
პროექტის ფარგლებში, ასევე, მოეწყო საფეხმავლო ბილიკები და სახიდე გადასასვლელები. ქუთაისის ახალი შემოვლითი გზა მგზავრობის ხანგრძლივობას მნიშვნელოვნად შეამცირებს.