■ „თავისუფალი დემოკრატების“ ერთ-ერთმა ლიდერმა ალექსი პეტრიაშვილმა ყრილობის მონაწილეებს მიმართა.
მისი თქმით, ყველა გადამწყვეტი წარმატება, რომელსაც ქვეყანამ ევროინტეგრაციის საკითხებში მიაღწია, სწორედ „თავისუფალი დემოკრატების“ სახელს უკავშირდება.
„მეამაყება, რომ საქართველოს მთავრობაში მუშაობის ორი წლის განმავლობაში „თავისუფალმა დემოკრატებმა“ მაქსიმალური შედეგი დადო, რა მიმართულებაც ჩაგვაბარეს. ევროპასთან ასოცირების ხელშეკრულება და ნატოსთან გაძლიერებული თანამშრომლობის პაკეტი საქართველოს უმთავრესი მონაპოვარია. „თავისუფალი დემოკრატების“ ძველი და ახალი წევრების როლი ამ მიმართულებით ამ წარმატების მიღწევაში გადამწყვეტია“ - განაცხადა პეტრიაშვილმა.
პეტრიაშვილის თქმით, ისინი, როგორც ოპოზიციური პარტია, იწვევენ ხელისუფლებას.
"ვიწვევთ ხელისუფლებას, მოედანი თქვენია, სავარაუდოდ, მთავარი მსაჯიც, მაგრამ ბურთი მრგვალია", - განაცხადა პეტრიაშვილმა და დასძინა, რომ ისინი ამ პროცესში წესების დაცვის მომხრეები არიან.