პაატა იმნაძე - საქართველოში ებოლის ვირუსის გავრცელების საფრთხე არ არსებობს. დაავადებათა კონტროლის ეროვნული ცენტრის ხელმძღვანელი, საზოგადოების ინტერესიდან გამომდინარე, სპეციალურ განცხადებას აკეთებს. პაატა იმნაძე ამბობს, რომ ვირუსის შეჩერების წინააღმდეგ მსოფლიო ჯანდაცვის ორგანიზაცია აქტიურად მუშაობს და ბოლო ერთი კვირის განმავლობაში დაავადებულ პირთა რიცხვმა საგრძნობლად იკლო. მისივე თქმით, ისევ რთული ვითარებაა ლიბერიაში. იქ ოქტომბრის პირველ კვირაში 1000-ზე მეტი ადამიანი დაინფიცირდა.