■ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სვეტიცხოველში სადღესასწაულო ღვთისმსახურების შემდეგ იქადაგა. მან ტაძარში შეკრებილ მრევლს და სრულიად საქართველოს სვეტიცხოვლობა მიულოცა.
„დღეს ჩვენ ვდღესასწაულობთ რამდენიმე წმინდანის დღეს, ამასთან ერთად, საოცარი დამთხვევაა, რომ ათონის მთიდან ჩამობრძანდა ყოვლადწმინდა ღვთისმშობლის ხატი ივერისაა და იგი ცნობილმა ქართველმა მოღვაწემ კლიმენტი კეკუტიამ ჩამოაბრძანა“, - აღნიშნა პატრიარქმა.
მისი თქმით, ეს არის მე-19-ე ხატი, რომელიც მან საქართველოში ჩამოაბრძანა და მოწმობს იმას, რომ უფალი ჩვენთანაა.
„ის განსაცდელი, რომელიც ჩვენ გაგვივლია და რომელიც შეიძლება დღესაც იყოს, დაძლეული იქნება ღვთის ძალითა და შეწევნით“ - ბრძანა პატრიარქმა.
საზეიმო ღვთისმსახურებას ხელისუფლების წარმომადგენლები, მათ შორის პრემიერმინისტრიც დაესწრნენ.