აშშ–ში ოფიციალური ვიზიტით იმყოფებიან ჯანდაცვის, სოფლის მეურნეობის მინისტრები, ასევე დაავადებათა კონტროლის ეროვნული ცენტრის ხელმძღვანელი. ისინი 26 სექტემბერს, თეთრ სახლში გამართულ შეხვედრაში მიიღებენ მონაწილეობას, ის გლობალური ჯანმრთელობის უსაფრთხოების მიეძღვნება. ღონისძიებაში 50 ქვეყნის წარმომადგენელი მიიღებს მონაწილეობას და საუბარი მსოფლიოში ახლად წარმოქმნილი ინფექციების დროულ გამოვლენას და მასზე რეაგირების გზების ასახვას შეეხება. ვიზიტის მიზანია, ასევე რამდენიმე ახალი ერთობლივი ინიციატივის განხილვა და სამომავლო თანამშრომლობის გზების დასახვა. დავით სერგეენკო: " საქართველო უკვე ჩაერთო წელს გლობალური ჯანდაცვის უსაფრთხოების ღონისძიებებში. ეს მოიაზრებს ინფექციების კონტროლს ქვეყნების მასშტაბით და ასევე იმ ერთიანი ჯანმრთელობის პრინციპების განხორციელებას, რომელიც არის გარემოს დაცვითი, სოფლის მეურნეობის და ჯანდაცვითი".